რუსთაველის გამზირზე ოჯახის სიწმინდის დღისადმი მიძღვნილი მსვლელობა დაიწყო

რუსთაველის გამზირზე ოჯახის სიწმინდის დღისადმი მიძღვნილი მსვლელობა დაიწყო.

მსვლელობაში მრევლთან და სასულიერო პირებთან ერთად მონაწილეობენ საკანონმდებლო და აღმასრულებელი ხელისუფლების წარმომადგენლები, მათ შორის ვიცე-პრემიერი, სამართალდამცავი ორგანოების კოორდინაციის საკითხებში სახელმწიფო მინისტრი მამუკა მდინარაძე, ვიცე-პრემიერი, საგარეო საქმეთა მინისტრი მაკა ბოჭორიშვილი, ეკონომიკისა და მდგრადი განვითარების მინისტრი მარიამ ქვრივიშვილი, თბილისის მერი კახა კალაძე, თავდაცვის მინისტრი ირაკლი ჩიქოვანი, ჯანდაცვის მინისტრი მიხეილ სარჯველაძე, საპარლამენტო უმრავლესობის ლიდერი ირაკლი კირცხალია, „ქართული ოცნების“ ახალგაზრდული ორგანიზაციის წარმომადგენლები და ლიდერები, ცოტნე ივანიშვილი.

მსვლელობის მონაწილეები ქაშვეთის ტაძრიდან დაიძრნენ და სამების ტაძრამდე მივლენ.

პრეზიდენტი მიხეილ ყაველაშვილი, პრემიერ-მინისტრი ირაკლი კობახიძე და პარლამენტის თავმჯდომარე შალვა პაპუაშვილი კი უკვე სამების ტაძარში იმყოფებიან, სადაც კათოლიკოს-პატრიარქი შიო მესამე სადღესასწაულო წირვას აღავლენს.

დღეს საქართველოში ოჯახის სიწმინდისა და მშობლების პატივისცემის დღე აღინიშნება.