საჯარო სივრცეში სიძულვილის ენის გამოყენებისთვის სასამართლომ რამდენიმე პირი დააჯარიმა
სიძულვილის ენის წინააღმდეგ ქუთაისის საქალაქო სასამართლომ დღეს სამი საქმე განიხილა. ავთანდილ ბოჭორიშვილს, სოციალურ ქსელში დაწერილი შეურაცხმყოფელი კომენტარისთვის ორიათასლარიანი ჯარიმა დაეკისრა. 1000 ლარით დაჯარიმდა ლერი აფრიდონიძე, სასამართლომ სამართალდამრღვევად ცნო გოჩა ლანჩავაც, რომელსაც 800-ლარიანი ჯარიმა დაეკისრა.
ცაგერის რაიონული სასამართლომ ამირან ჭიღვარიას საქმე განიხილა, შეურაცხმყოფელი კომენტარისთვის მოსამართლემ მას ორიათასლარიანი ჯარიმა შეუფარდა.
საჯარო სივრცეში სიძულვილის ენის გამოყენების ფაქტზე, პროცესი გაიმართა თელავის რაიონულ სასამართლოშიც. შინაგან საქმეთა სამინისტროს სიძულვილის ენის წინააღმდეგ ბრძოლის სამმართველოს მიერ წარმოდგენილი მტკიცებულებების საფუძველზე, მოსამართლემ მოქალაქე მამუკა ქინქლაძე სამართალდამრღვევად ცნო და 500-ლარიანი ჯარიმის გადახდა დააკისრა.
იმედი
წყარო: imedinews.ge