სახელმწიფო დეპარტამენტი: უკრაინისთვის Patriot-ის საჰაერო თავდაცვის სისტემების რაკეტების წარმოების ლიცენზიის მინიჭების შესახებ გადაწყვეტილება ჯერ მიღებული არ არის და აღნიშნულ საკითხზე დიპლომატიური მოლაპარაკებები გრძელდება

აშშ-ის სახელმწიფო დეპარტამენტის სპიკერის, იან ბეიტსონის განცხადებით, უკრაინისთვის Patriot-ის საჰაერო თავდაცვის სისტემების რაკეტების წარმოების ლიცენზიის მინიჭების შესახებ გადაწყვეტილება ჯერ მიღებული არ არის და აღნიშნულ საკითხზე დიპლომატიური მოლაპარაკებები გრძელდება.

ბეიტსონის თქმით, შეერთებულ შტატებს ჯერ არ მიუღია საბოლოო გადაწყვეტილება უკრაინაში Patriot-ის საჰაერო თავდაცვის სისტემებისთვის რაკეტების წარმოებასთან დაკავშირებით. მიუხედავად ტრამპის საჯარო განცხადებებისა, რომ იგი მზადაა კიევს შესაბამისი ლიცენზია მიანიჭოს, კონსულტაციები კვლავ მიმდინარეობს.

„ტრამპს არ უთქვამს, რომ ეს ნამდვილად მოხდება. თუმცა მან ბევრი ისაუბრა უკრაინულ არმიაზე. უკრაინის პრეზიდენტსა და ტრამპს შორის კარგი შეხვედრა შედგა. პრეზიდენტმა ტრამპმა კარგი შთაბეჭდილების შესახებ ისაუბრა. ის, რასაც იგი უკრაინული არმიის წარმატებებზე ამბობს, რა თქმა უნდა, კარგი ნიშანია. თუმცა ჯერ კიდევ გაურკვეველია, კონკრეტულად რა მოხდება შემდეგ, სწორედ იმის გამო, რომ დიპლომატიური მოლაპარაკებები ამ წუთებშიც მიმდინარეობს“, - აღნიშნა ბეიტსონმა.

მან მოუწოდა საზოგადოებას, ამ ეტაპზე კონკრეტული დეტალების არარსებობა „ცუდ ნიშნად“ არ მიიჩნიონ და დასძინა, რომ თეთრი სახლის ლიდერი შეიძლება დახასიათდეს, როგორც „მოქმედების ადამიანი“, რომელიც შესაბამის ქმედებებს სხვებისგანაც ელის.