საქართველოს 20 წლამდე მორაგბეთა ნაკრები მსოფლიო ჩემპიონატში ჩაერთვება - უმცროსი ბორჯღალოსნების მეტოქე უელსის ნაკრებია
იმედი|imedinews.ge
რამდენიმე წუთში საქართველოს 20 წლამდე მორაგბეთა ნაკრები მსოფლიო ჩემპიონატში ჩაერთვება.
უმცროსი ბორჯღალოსნების მეტოქე უელსის ნაკრებია. „ჯუნიორ ოლ ბლექსთან“ ამხანაგურ შეხვედრაში მოპოვებული ისტორიული გამარჯვების შემდეგ, სამწვრთნელო შტაბმა ძირითადი შემადგენლობა თითქმის უცვლელი დატოვა.
გამონაკლისია ანრი შველიძე, რომელმაც ზელანდიასთან მცირე ტრავმა მიიღო და მის ნაცვლად უელსთან თამაშს გიორგი აღნიაშვილი დაიწყებს. ახალგაზრდული ჩემპიონატის ფარგლებში, ჩვენი ქვეყნის ახალგაზრდულ ნაკრებს უელსის წინააღმდეგ აქამდე ორჯერ უთამაშიათ და ორივე თამაში დათმეს, დღევანდელი მატჩი კი ავჭალის სარაგბო მოედანზე 18:00 საათზე დაიწყება.
საქართველო, პლანეტის პირველობას მეორედ მასპინძლობს, თამაშები თბილისსა და ქუთაისში მიმდინარეობს.
გაზიარება:
იმედი
წყარო: imedinews.ge