საქართველოს ელჩი ჩინეთში პარლამენტის დელეგაციის ვიზიტზე: გვექნება შეხვედრები ხელისუფლებასთან, სადაც ვისაუბრებთ სხვადასხვა საკითხზე, მათ შორის, კულტურაზე, ეკონომიკურ და ჰუმანიტარულ ურთიერთობებზე

საქართველოს საგანგებო და სრულუფლებიანი ელჩი ჩინეთში პაატა კალანდაძე ჩინეთში პარლამენტის დელეგაციის ვიზიტს მედიასთან აფასებს.

„ვიზიტი სიანში უაღრესად მნიშვნელოვანია. ეს ერთ-ერთი წარმატებული რეგიონია. იქ გახლავთ ისტორიული ცენტრი, ასევე არის ერთ-ერთი სატრანზიტო ჰაბი და გამოირჩევა საწარმოო პოტენციალით. გვექნება შეხვედრები ხელისუფლებასთან, სადაც ვისაუბრებთ სხვადასხვა საკითხზე, მათ შორის, კულტურაზე, ეკონომიკურ და ჰუმანიტარულ ურთიერთობებზე და ყველა იმ საკითხზე, რომელსაც მივიჩნევთ მნიშვნელოვნად ურთიერთობების შემდგომ გაღრმავების მიზნით“, - აღნიშნა კალანდაძემ.

შალვა პაპუაშვილის ხელმძღვანელობით საპარლამენტო დელეგაცია ჩინეთში ვიზიტს განაგრძობს. დღეს ქართველი კანონმდებლები შანსის პროვინციაში, ქალაქ სიანში შეხვედრას გამართავენ პროვინციის პარტიული კომიტეტის მდივანთან. ქართული დელეგაცია ჩინეთში უკვე სამი დღეა იმყოფება. ვიზიტი დღეს სრულდება.