საქართველოში ირანის ელჩმა ალი მოჯანიმ 180 დღის განმავლობაში თავისი მუშაობის შესახებ ანგარიში წარადგინა

ირანის ელჩმა საქართველოში პრესკონფერენცია გამართა. ალი მოჯანიმ 180 დღის განმავლობაში თავისი მუშაობის შესახებ ანგარიში წარადგინა და ისაუბრა მათ შორის ორ ქვეყანას შორის ურთიერთობებზე.

„მინდა, როგორც ირანის ისლამური რესპუბლიკის ელჩმა, მადლობა გადავუხადო ყველა იმ მედია საშუალებას, რომელმაც სამართლიანად და პროფესიული ეთიკის დაცვით იმუშავა საკუთარი აუდიტორიის ინფორმირების მიზნით ირანში მიმდინარე პროცესების გაშუქებისას.

ირანის დიპლომატიამ დაამტკიცა, რომ მას შესწევს უნარი გასცდეს საელჩოს კედლებს და პირდაპირი კონტაქტი და დიალოგი იქონიოს საზოგადოებასთან. ეს მნიშვნელოვანია ხალხებს შორის კავშირისთვის, რომლებიც ერთმანეთს უზიარებენ საკუთარ გამოცდილებას. ჩვენი სიძლიერე ჩვენი საზოგადოების საფუძვლიდან მომდინარეობს“, - განაცხადა ირანის ელჩმა საქართველოში სეიედ ალი მოჯანიმ.