საქსტატის მონაცემებით, მეორე კვარტალში მთლიანი შიდა პროდუქტის მოცულობა 28 მილიარდ 147 მილიონი ლარია, წინა წლის შესაბამის პერიოდთან შედარებით რეალური მშპ-ის ზრდამ 6.9% შეადგინა

სტატისტიკის ეროვნული სამსახურის მონაცემებით, მეორე კვარტალში მთლიანი შიდა პროდუქტის მოცულობა მიმდინარე ფასებში 28 მილიარდ 147 მილიონ ლარს გაუტოლდა. ხოლო წინა წლის შესაბამის პერიოდთან შედარებით რეალური მთლიანი შიდა პროდუქტის ზრდამ 6.9 პროცენტი შეადგინა.

მთლიანი შიდა პროდუქტის დეფლატორის პროცენტული ცვლილება 2026 წლის მეორე კვარტალში 3.0 პროცენტით განისაზღვრა.

საქსტატის ცნობით, ზრდის მიმართულებით მნიშვნელოვანი წვლილი შეიტანა ისეთმა დარგებმა, როგორებიცაა ინფორმაცია და კომუნიკაცია, საბითუმო და საცალო ვაჭრობა, ავტომობილების და მოტოციკლების რემონტი, ტრანსპორტი და დასაწყობება, ხელოვნება, გართობა და დასვენება, დამამუშავებელი მრეწველობა ჯანდაცვა და სოციალური მომსახურების საქმიანობები.

ამასთან, უწყების ანგარიშით, მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა საბითუმო და საცალო ვაჭრობა და უძრავ ქონებასთან დაკავშირებული საქმიანობები, შემდეგ კი სხვა სფეროები.