სარჯველაძე: პაციენტის შეფასება იმის მიხედვით, რთული შემთხვევაა, თუ არა და კლინიკას კომერციულად აწყობს პაციენტისთვის მომსახურების გაწევა თუ არა, ურტყამს სწორედ იმას, რასაც ჰქვია კონსტიტუციური უფლება ადამიანისა ჯანმრთელობაზე

სადაც შეიძლება პაციენტის ინტერესზე მაღლა დადგეს კომერციული ინტერესი, იქ სახელმწიფოს მოეთხოვება იყოს ძალიან აქტიური და ეს არაფრის დიდებით დაუშვას, - განაცხადა გადაცემაში „ღია ეთერი - დებატები“ ჯანდაცვის მინისტრმა მიხეილ სარჯველაძემ.

მისი თქმით, პაციენტის შეფასება იმის მიხედვით, რთული შემთხვევაა, თუ არა და კლინიკას კომერციულად აწყობს პაციენტისთვის მომსახურების გაწევა თუ არა, როდესაც ასეთი დილემა ჩნდება, რასაკვირველია ურტყამს სწორედ იმას, რასაც ჰქვია კონსტიტუციური უფლება ადამიანისა ჯანმრთელობაზე.

„არამც დად არამც სწორი არაა ჩემთვის იმის დაბრალება, თითქოს მოგებას ვეწინააღმდეგები. კარგად უნდა გვესმოდეს, რომ ეს არ შეიძლება იყოს მთავარი რამ. მთავარი ჯანდაცვის სისტემის მართვაში უნდა იყოს პაციენტის უსაფრთხოება. სადაც შეიძლება პაციენტის ინტერესზე მაღლა დადგეს კომერციული ინტერესი, იქ სახელმწიფოს მოეთხოვება იყოს ძალიან აქტიური და ეს არაფრის დიდებით დაუშვას. ეს არის ყოველდღიურობა. პაციენტის შეფასება იმის მიხედვით, რთული შემთხვევაა, თუ არა და კლინიკას კომერციულად აწყობს პაციენტისთვის მომსახურების გაწევა თუ არა, როდესაც ასეთი დილემა ჩნდება, რასაკვირველია ურტყამს სწორედ იმას, რასაც ჰქვია კონსტიტუციური უფლება ადამიანისა ჯანმრთელობაზე. ადამიანის ჯანმრთელობის უფლება რომ ძალიან მნიშვნელოვნად მიმაჩნია, ამიტომ ვუყურებ ასე, რომ ნომერ პირველი ღირებულება ჯანდაცვის სისტემაში არის მისი აღმატებულება - პაციენტი“, - აღნიშნა სარჯველაძემ.