შალვა პაპუაშვილი: BBC-ის მესამედ გავუგზავნეთ საჩივარი. ჩვენ ძალიან სკრუპულოზურად ვუდგებით ამ საკითხს. დიდი შრომა მიდის, რომ ჩვენი საჩივრები იყოს სათანადოდ დასაბუთებული, რაც არის კიდეც. ველით, ჯერ პასუხი არ მიგვიღია
BBC-ის მესამედ გავუგზავნეთ საჩივარი. ჩვენ ძალიან სკრუპულოზურად ვუდგებით ამ საკითხს. დიდი შრომა მიდის იმისთვის, რომ ჩვენი საჩივრები იყოს სათანადოდ დასაბუთებული, რაც არის კიდეც. ველით, ჯერ პასუხი არ მიგვიღია, - განაცხადა საქართველოს პარლამენტის თავმჯდომარემ შალვა პაპუაშვილმა ჟურნალისტის კითხვაზე, თუ როგორი იქნება მმართველი პარტიის ნაბიჯი იმ ფონზე, როდესაც BBC-მ „ქართული ოცნების“ ორივე საჩივარი უკან დააბრუნა.
შალვა პაპუაშვილის თქმით, „ქართული ოცნება“ დანებებას არ აპირებს და სიმართლის დასამტკიცებლად იბრძოლებს.
ცნობისთვის, „ქართულმა ოცნებამ“ ბრიტანული მაუწყებლის წინააღმდეგ ოფიციალური საჩივრები შეიტანა. სადავოა BBC-ის საგამოძიებო მასალა, რომელიც 2024 წლის საპროტესტო აქციებზე ქიმიური ნივთიერებების სავარაუდო გამოყენებას ეხებოდა. საჩივრები, რომლებითაც მმართველი გუნდი ბოდიშის მოხდას ითხოვდა, მაუწყებელმა არ დააკმაყოფილა.
იმედი
წყარო: imedinews.ge