შალვა პაპუაშვილი: გუშინ, „ნაციონალური მოძრაობის“ მთელი დიქტატორული რეჟიმი გამოვიდა ქუჩაში და საბედნიეროდ, სულ რამდენიმე ათასიღა შემორჩენილან მათი იდეოლოგიის გამზიარებელნი

გუშინ წინა რიგში ვიხილეთ „ნაცმოძრაობის“ ღონისძიება მიხეილ სააკაშვილის პლაკატებით, მიხეილ სააკაშვილის პროკურორებით, მიხეილ სააკაშვილის უსაფრთხოების საბჭოს მდივნებითა და მინისტრებით, - განაცხადა მედიასთან საქართველოს პარლამენტის თავმჯდომარემ, შალვა პაპუაშვილმა ოპოზიციის მიერ გუშინ გამართულ აქციაზე საუბრისას.

პაპუაშვილი მიიჩნევს, რომ „ნაციონალური მოძრაობის“ იდეოლოგიის გამზიარებელ ადამიანთა რიცხვს კიდევ ბევრი გამოაკლდება.

„გუშინ, „ნაციონალური მოძრაობის“ მთელი დიქტატორული რეჟიმი გამოვიდა ქუჩაში და საბედნიეროდ, სულ რამდენიმე ათასიღა შემორჩენილან „ნაცმოძრაობის“ იდეოლოგიის გამზიარებელი ადამიანები, რაც მიღწევაა იმ სწორი პოლიტიკის, რომელსაც სახელმწიფო აწარმოებს და მოქალაქეებს აჩვენებს, თუ რა არის რეალური მდგომარეობა. ამის შედეგი ვნახეთ გუშინ, კანტიკუნტად მყოფი ადამიანები.

კარგია რომ 4 ოქტომბრის შემდეგ, ადამიანების ნაწილმა გაიაზრა ის, რომ არ შეიძლება ქვეყნის წინააღმდეგ წასვლა, არ შეიძლება დამოკიდებლობის და ეროვნულ დღეს იფიქრო, როგორ შეიტანო არეულობა ქვეყანაში. ჩვენ ვნახავთ, რომ ამ რაოდენობიდანაც ბევრი ადამიანი გამოფხიზლდება“, - აღნიშნა შალვა პაპუაშვილმა.