შალვა პაპუაშვილი: ნათელია რატომ მოხდა პატიმრების რაოდენობის ასე ზრდა - დაახლოებით 2000 ან უკვე მეტი ადამიანი დაკავებულია მარტო ნარკოდანაშაულის გამო, ეს არის შედეგი იმ პოლიტიკისა, რომელსაც შსს აწარმოებს ნარკოდანაშაულის წინააღმდეგ

დაახლოებით 2000 ან უკვე მეტი ადამიანი დაკავებულია მარტო ნარკოდანაშაულის გამო, ეს არის შედეგი იმ პოლიტიკისა, რომელსაც შსს აწარმოებს ნარკოდანაშაულის წინააღმდეგ, - განაცხადა პარლამენტის თავმჯდომარემ შალვა პაპუაშვილმა 2026 წელს პატიმრების რაოდენობის მკვეთრ ზრდასთან დაკავშირებით.

მისი თქმით, სამწუხაროა, რომ შსს-ის მკაცრი პოლიტიკის მიუხედავად ქვეყანაში ნარკოდანაშაულები ჯერ ისევ ხდება.

„ნათელია რატომ მოხდა პატიმრების რაოდენობის ასე ზრდა. თუ არ ვცდები, ახალი სტატისტიკა არ მაქვს, მაგრამ შარშან და წელს რაც იყო, იყო 2000, შეიძლება ახლა უკვე მეტია, 2000-ზე მეტი ადამიანი დაკავებულია მარტო ნარკოდანაშაულის გამო. ეს არის შედეგი იმ პოლიტიკისა, რომელსაც შსს აწარმოებს ნარკოდანაშაულის წინააღმდეგ. ხედავთ თქვენ, კვირა არ გადის ისე, რომ გარკვეული რაოდენობა ნარკოტიკული დანაშაულის ჩამდენების, გამსაღებლების, შემომტანების და ა.შ. არ იყოს დაკავებული. სამწუხაროდ, იმასაც ვხედავთ, რომ მიუხედავად იმისა, იციან შსს-ის მკაცრი პოლიტიკა და იციან რა სასჯელი ელით, ამას მაინც სჩადიან",- აღნიშნა პაპუაშვილმა.