შალვა პაპუაშვილი: შენდობას წინ ყოველთვის უძღვის სინანული. ეს არის ერისა და ეკლესიის კანონი, ამიტომ არაერთხელ ითქვა, რომ მნიშვნელოვანია, სანამ ვინმე ისაუბრებს შეწყალებაზე, ისაუბროს სინანულზე

შალვა პაპუაშვილმა საპროტესტო აქციების დროს დაკავებულების შესაძლო შეწყალების შესახებ დასმულ კითხვას უპასუხა. პარლამენტის თავმჯდომარემ განაცხადა, რომ მნიშვნელოვანია, შეწყალებას წინ სინანული უძღოდეს.

„შეწყალება ჩემი კომპეტენცია არ გახლავთ, თუმცა შემიძლია გითხრათ ერთი რამ - შენდობას წინ ყოველთვის უძღვის სინანული. ეს არის ერისა და ეკლესიის კანონი, ამიტომ არაერთხელ ითქვა, რომ მნიშვნელოვანია, სანამ ვინმე ისაუბრებს შეწყალებაზე, ისაუბროს სინანულზე. არის თუ არა სინანული იმ ადამიანებში, რომლებმაც სცადეს ადამიანების ცოცხლად დაწვა „მოლოტოვის კოქტეილებით“? არის თუ არა სინანული იმ ადამიანებში, რომლებმაც სცადეს საქართველოს პარლამენტის გადაწვა? არის თუ არა სინანული იმ ადამიანებში, რომლებმაც სცადეს ქვეყნის დამხობა? ამიტომ შენდობას ყოველთვის წინ უნდა უძღოდეს სინანული“, - განაცხადა პაპუაშვილმა.