შარმანაშვილი რუსოფობიურ კამპანიაზე: ეს ადამიანები არანაირი პატრიოტები არ არიან, რასაც შეუკვეთავენ იმას აკეთებენ
ეს ადამიანები არანაირი პატრიოტები არ არიან, დიფ სტეიტს, რომ ვეძახით მათგან მართულები არიან, მათი აგენტურაა, რასაც შეუკვეთავენ იმას აკეთებენ, - განუცხადა ჟურნალისტებს თავდაცვის კომიტეტის თავმჯდომარის მოადგილე, თენგიზ შარმანაშვილმა ოპოზიციის ზოგიერთი წამომადგენლის მხრიდან რუსოფობიურ კამპანიაზე საუბრისას.
მისივე თქმით, შეკვეთით პატრიოტიზმი არ არსებობს.
„თუ შენ პატრიოტი იყავი და აღგაშფოთებდა რუსეთთან ურთიერთობა, 2008 წლის უფრო უნდა აღშფოთებულიყავი იმიტომ, რომ შენი სამშობლოს ტერიტორიულ მთლიანობას შეეხნენ და შენი სამშობლოს ტერიტორიების ოკუპაცია ხდებოდა. მაშინ ხმას არ იღებდი, პირიქით ღვინოებით ხვდებოდი საზღვარზე ამ რუსებს და ახლა იმის გამო, რომ სხვა ქვეყანაში შეიჭრა რუსეთი მოგინდა პატრიოტიზმის გამოვლინება. ასეთი შეკვეთილი პატრიოტიზმი არავის არ სჭირდება. ეს ადამიანები არანაირი პატრიოტები არ არიან, დიფ სტეიტს, რომ ვეძახით მათგან მართულები არიან, მათი აგენტურაა, რასაც შეუკვეთავენ იმას აკეთებენ“, - განაცხადა შარმანაშვილმა.
იმედი
წყარო: imedinews.ge