შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა თურქეთის რესპუბლიკის საგანგებო და სრულუფლებიან ელჩთან საქართველოში, მუსტაფა თურქერ არისთან გაცნობითი შეხვედრა გამართა
შერიგებისა და სამოქალაქო თანასწორობის საკითხებში სახელმწიფო მინისტრმა თეა ახვლედიანმა თურქეთის რესპუბლიკის ახლად დანიშნულ საგანგებო და სრულუფლებიან ელჩთან საქართველოში, მუსტაფა თურქერ არისთან გაცნობითი შეხვედრა გამართა.
სახელმწიფო მინისტრმა დიპლომატს გააცნო სახელმწიფო მინისტრის აპარატის მანდატი და საქმიანობის პრიორიტეტები როგორც შერიგებისა და ჩართულობის, ასევე სამოქალაქო თანასწორობისა და ინტეგრაციის სახელმწიფო პოლიტიკის ფარგლებში.
თავის მხრივ, ელჩმა მადლობა გადაუხადა სახელმწიფო მინისტრს შეხვედრისა და ამომწურავი ინფორმაციისთვის და დაადასტურა მზადყოფნა, ხელი შეუწყოს ორ ქვეყანას შორის თანამშრომლობის შემდგომ განვითარებას.
შეხვედრის დასასრულს მხარეებმა ხაზი გაუსვეს საქართველოსა და თურქეთის რესპუბლიკას შორის არსებული სტრატეგიული პარტნიორობის განსაკუთრებულ მნიშვნელობას და თანამშრომლობის გაგრძელების მზაობა გამოთქვეს.
ინფორმაციას შერიგებისა და სამოქალაქო თანასწორობის საკითხებში სახელმწიფო მინისტრის აპარატი ავრცელებს.
იმედი
წყარო: imedinews.ge