სტივენ ჯერმი: ჩემი რჩევაა შეინარჩუნოთ რაც შეიძლება ნეიტრალური მიდგომა, როგორც რუსებთან, ასევე ნატოსა და ევროკავშირთან - უპირველეს ყოვლისა იფიქრეთ საქართველოზე და შეეწინააღმდეგეთ გარედან ზეწოლას

ჩემი რჩევაა შეინარჩუნოთ რაც შეიძლება ნეიტრალური მიდგომა, როგორც რუსებთან, ასევე ნატოსა და ევროკავშირთან, - განაცხადა გადაცემაში „თბილისის დროით“ დიდი ბრიტანეთის სამეფო სამხედრო-საზღვაო ძალების ექს-კომოდორმა, სტივენ ჯერმიმ.

„საჭიროა რომ პირველ რიგში საქართველოზე იფიქროთ, თქვენს სავაჭრო ურთიერთობებზე. გასათვალისწინებელია გეოგრაფიაც - თქვენ დიდი ძალის მეზობელი გყავთ რომელსაც აქვს დიდი სამხედრო ძალა, უდიდესი ბირთვული არსენალით, ასევე უდიდესი რესურსების პატრონი, ნავთობისა და ბუნებრივი აირის უდიდესი ექსპორტიორი. ჩემი რჩევაა შეინარჩუნოთ რაც შეიძლება ნეიტრალური მიდგომა, როგორც რუსებთან, ასევე ნატოსა და ევროკავშირთან.

შეინარჩუნეთ კარგი ურთიერთობები შეძლებისდაგვარად ყველა მხარესთან. ძალიან ფრთხილად იყავით რუსეთთან ურთიერთობისას - საერთო საზღვარი გაქვთ. უპირველეს ყოვლისა იფიქრეთ საქართველოზე და შეეწინააღმდეგეთ გარედან ზეწოლას“, - აღნიშნა სტივენ ჯერმა.