თამარ იოსელიანი: ძალიან საინტერესო ორი დღე გვქონდა ბათუმში. ვუმასპინძლეთ საქართველოს საერთაშორისო საზღვაო ფორუმს, რომელმაც რამდენიმე ათეული ქვეყნის სამასამდე დელეგატი შეკრიბა

ძალიან საინტერესო ორი დღე გვქონდა ბათუმში. ვუმასპინძლეთ საქართველოს საერთაშორისო საზღვაო ფორუმს, რომელმაც რამდენიმე ათეული ქვეყნის სამასამდე დელეგატი შეკრიბა, - განაცხადა გადაცემაში „დღის ქრონიკა“ საქართველოს ეკონომიკისა და მდგრადი განვითარების მინისტრის მოადგილე თამარ იოსელიანმა.

იოსელიანის თქმით, ფორუმის ფარგლებში ძალიან მნიშვნელოვანი ორმხრივი შეხვედრები გაიმართა.

„მართლაც ძალიან საინტერესო ორი დღე გვქონდა ბათუმში. ვუმასპინძლეთ საქართველოს საერთაშორისო საზღვაო ფორუმს, რომელმაც რამდენიმე ათეული ქვეყნის სამასამდე დელეგატი შეკრიბა. შესაბამისად, მოწვეულები გვყავდნენ როგორც საჯარო, ისე კერძო სექტორის წარმომადგენლები, საერთაშორისო ორგანიზაციების წარმომადგენლები და აკადემიური წრეები იმისთვის, რომ განგვეხილა ისეთი მნიშვნელოვანი საკითხები, რომელიც საზღვაო სექტორში ხორციელდება. არის გამოწვევები, შესაბამისად გადასადგმელია ნაბიჯები იმისთვის, რომ ამ გამოწვევებს უპასუხოს სექტორმა.

რა თქმა უნდა, უდიდეს მნიშვნელობას ვანიჭებთ ზოგადად, სატრანსპორტო სექტორს და შესაბამისად, არსებობს ის გრძელვადიანი ხედვა, თუ როგორ უნდა განვითარდეს სატრანსპორტო სექტორი. ამ გეგმას თანმიმდევრულად მივყვებით.

აქედან გამომდინარე, უკვე აღნიშნული ფორუმი იქცა პლატფორმად, რომელიც საშუალებას გვაძლევს ვისაუბროთ საქართველოს მიერ განხორციელებულ პროექტებზე, დაგეგმილ ღონისძიებებზე. ასევე, რეგიონულ ჭრილში ვისაუბროთ შუა დერეფნის როლზე. ზოგადად, მსოფლიო სავაჭრო სისტემებში და შესაბამისად, ამ კუთხით თუ რას ვაკეთებთ ერთად პარტნიორი სახელმწიფოები იმისთვის, რომ შუა დერეფანი გახდეს უფრო კონკურენტუნარიანი, ამ მიმართულებით საიმედო პარტნიორები ვიყოთ მსოფლიო სავაჭრო სისტემისთვის“, - აღნიშნა მან.