ტეხასში ქალი დააკავეს Facebook-ზე გამოქვეყნებული პოსტის გამო, რომლითაც ქალაქში წყლის ხარისხს აკრიტიკებდა და ამტკიცებდა, რომ წყლის მოხმარების შემდეგ ტრინიდადის მცხოვრებლები საავადმყოფოში გადაიყვანეს

აშშ-ის შტატ ტეხასში მცხოვრები ქალი, ჯენიფერ კომბსი დააკავეს Facebook-ზე გამოქვეყნებული პოსტის შემდეგ, რომელშიც აცხადებდა, რომ ქალაქ ტრინიდადში წყლის მოხმარების შემდეგ მცხოვრებლები საავადმყოფოში მოათავსეს. ინფორმაციას ამერიკული მედია ავრცელებს.

ქალაქის წყლის ხარისხთან დაკავშირებული პრობლემების შესახებ Facebook-ზე გამოქვეყნებული პოსტის გამო დაპატიმრების შემდეგ, ქალი აცხადებს, რომ მან ქალაქის წინააღმდეგ სარჩელი შეიტანა იმის გამო, რასაც ის „პოლიტიკურ შურისძიებას“ უწოდებს.

ტრინიდადის ოფიციალურმა პირებმა დაადასტურეს, რომ ქალაქს წყლის პრობლემები აქვს, თუმცა არ დაუკონკრეტებიათ, ჰოსპიტალიზებულია თუ არა ვინმე.