თენგიზ შარმანაშვილი: მათ თუ ჰგონიათ, რომ თუ მოტივი არის პოლიტიკური, ამიტომ ნებისმიერი დამნაშავე შეიძლება პოლიტპატიმრად შერაცხო, ასე ტერორიზმსაც გაამართლებ - ქართველმა ერმა პირდაპირ ეთერში იხილა მათი დანაშაული

მათ თუ ჰგონიათ, რომ პოლიტიკური თუ არის მოტივი, ამიტომ ნებისმიერი დამნაშავე შეიძლება პოლიტპატიმრად შერაცხო, მაშინ ასე ტერორიზმსაც გაამართლებ - იქაც არის პოლიტიკური მოტივი, - განაცხადა პარლამენტის თავდაცვისა და უსაფრთხოების კომიტეტის თავმჯდომარის პირველმა მოადგილემ, თენგიზ შარმანაშვილმა.

მისი თქმით, ოპოზიციას პოლიტპატიმრის განმარტება არასწორად ესმის.

„ქართველმა ერმა პირდაპირ ეთერში იხილა მათი დანაშაული. ამდენი მტკიცებულება, მე მგონი, არცერთ სასამართლო სხდომაზე არავის არ ჰქონია.

მათ თუ ჰგონიათ, რომ პოლიტიკური თუ არის მოტივი, ამიტომ ნებისმიერი დამნაშავე შეიძლება პოლიტპატიმრად შერაცხო, მაშინ ასე ტერორიზმსაც გაამართლებ - იქაც არის პოლიტიკური მოტივი. ისინი კრიმინალები არიან და გაასამართლეს როგორც კრიმინალები“, - განაცხადა შარმანაშვილმა.

სასამართლომ 4 ოქტომბრის საქმეზე ბრალდებულებს - პაატა ბურჭულაძეს, მურთაზ ზოდელავას, ირაკლი ნადირაძესა და პაატა მანჯგალაძეს შვიდ-შვიდი წლით პატიმრობა მიუსაჯა.