თეოლოგი გიორგი გვასალია: აზრთა სხვადასხვაობა ძალიან ბუნებრივი რამ არის, ცოცხალი პროცესია. შეიძლება არსებობს ძალა, რომელსაც არ უნდა ეკლესიაში თანხმობა და ერთობა, ეგ სხვა ამბავია, მაგრამ ქრისტეს ეკლესიის ისტორია ბრძოლის ისტორიაა

აზრთა სხვადასხვაობა და მსგავსი რამ ძალიან ბუნებრივი რამ არის, ეს ცოცხალი პროცესია. შეიძლება არსებობს ძალა, რომელსაც არ უნდა ეკლესიაში თანხმობა და ერთობა, ეგ სხვა ამბავია, მაგრამ ქრისტეს ეკლესიის ისტორია ბრძოლის ისტორიაა, - განაცხადა „დღის ქრონიკაში“ თეოლოგმა გიორგი გვასალიამ.

წამყვანმა ჰკითხა, რას ფიქრობს იმაზე, რომ არ იყო მარტივი გზა ახალი პატრიარქის არჩევამდე და როგორ შეიძლება ამ გამოწვევას გაუმკლავდეს ახალ რეალობაში ახალი პატრიარქი.

„ერთი რამ კარგად უნდა გვახსოვდეს. როდესაც ვსაუბრობთ ეკლესიასა და მის მისიაზე, ნებისმიერი მოვლენა - იქნება ეს პოლიტიკური, საზოგადოებრივი, თუ სოციალური, ვერ იქონიებს გავლენას იმ მთავარ მსახურებაზე, რაც ეკლესიას აქვს. საქართველოს ეკლესიის ისტორიაში ეს ბოლომდე დამტკიცებულია. აზრთა სხვადასხვაობა და მსგავსი რამ ძალიან ბუნებრივი რამ არის, ეს ცოცხალი პროცესია და ამაში პრობლემას ვერ უნდა ვხედავდეთ. შეიძლება არსებობს ძალა, რომელსაც არ უნდა ეკლესიაში თანხმობა და ერთობა, ეგ სხვა ამბავია, მაგრამ ქრისტეს ეკლესიის ისტორია ბრძოლის ისტორიაა, ისტორია იმასთან დაკავშირებით, რომ ის ინარჩუნებს თავისთავადობას, ღვთისმსახურებას, მიუხედავად ნებისმიერი პრობლემებისა და მდგომარეობისა, რომელიც იქმნებოდა მის გარშემო“, - აღნიშნა გვასალიამ.

საქართველოს კათოლიკოს - პატრიარქი შიო მესამე მღვდელმთავრებმა 22 ხმით აირჩიეს.