თეთრ სახლში დონალდ ტრამპისა და ვოლოდიმირ ზელენსკის შეხვედრა დაიწყო

თეთრ სახლში დონალდ ტრამპსა და ვოლოდიმირ ზელენსკის შორის შეხვედრა დაიწყო. მოლაპარაკებების მთავარი თემა უკრაინაში რუსეთის ომი იქნება.

უფრო ადრე, ამერიკის სახელმწიფოს მეთაურთან მოსალოდნელი საუბრის თემების კომენტირებისას, ვოლოდიმირ ზელენსკიმ „მთავარ პრიორიტეტად“ საჰაერო და საჰაერო-სარაკეტო თავდაცვის საშუალებები, ასევე უკრაინისა და ამერიკის სტრატეგიული თანამშრომლობა დაასახელა.

ზელენსკის აშშ-ში ვიზიტის წინ, სააგენტო Reuters-ი წყაროებზე დაყრდნობით წერდა, რომ უკრაინის პრეზიდენტი აპირებს კვლავ გაუსვას ხაზი კიევისთვის საჰაერო თავდაცვის სისტემების მიწოდების აუცილებლობას, რაც ქვეყანას რუსული დარტყმებისგან დასაცავად სასწრაფოდ სჭირდება.

გარდა ამისა, გამოცემის ცნობით, ორი ქვეყნის ლიდერების განხილვის კიდევ ერთი თემა დრონების შესახებ შეთანხმების საბოლოო გაფორმება უნდა გახდეს.