ტრამპმა ჰუსიტებზე იერიშის მიტანაზე საუდის არაბეთის პრინცს უარი უთხრა
აშშ-ის პრეზიდენტმა დონალდ ტრამპმა საუდის არაბეთის ტახტის მემკვიდრე პრინც მოჰამედ ბინ სალმანს უარი უთხრა ჰუსიტებზე სამხედრო იერიშების დაწყებაზე.
საუდელმა ლიდერმა ამერიკელ კოლეგას ხუთშაბათს ორჯერ დაურეკა და მოწინააღმდეგის წინააღმდეგ პირდაპირი დარტყმების განხორციელება სთხოვა. თუმცა როგორც Axios-ი ორ ამერიკელ მაღალჩინოსანზე დაყრდნობით წერს, შეერთებული შტატების მოქმედი ადმინისტრაცია ჰუსიტების წინააღმდეგ პირდაპირი სამხედრო ზომების მიღებას, ამ ეტაპზე, არ აპირებს.
საყურადღებოა, რომ Reuters-მა ამ მონაცემების დამოუკიდებლად გადამოწმება ამ დრომდე ვერ შეძლო. ოფიციალურ კომენტარზე უარი თქვეს როგორც თეთრმა სახლმა, ისე საუდის არაბეთის საელჩომ ვაშინგტონში.
ჯერჯერობით ცნობილია ის, რომ შეერთებული შტატების ხელისუფლება იემენში კონფლიქტის სწრაფი ესკალაციის გამო შეშფოთება გამოთქვა.
მნიშვნელოვანია ითქვას ისიც, რომ პირდაპირ დარტყმებზე უარის თქმის პარალელურად, თეთრმა სახლმა საუდის არაბეთში აშშ-ის ცენტრალური სარდლობის მეთაური ადმირალი ბრედ კუპერი გადაუდებელი საკოორდინაციო მოლაპარაკებების ჩასატარებლად გაგზავნა, თუმცა უცნობია, რა შედეგს გამოიღებს ეს ვიზიტი.
ცნობისთვის, საუდის არაბეთი წითელ ზღვაში ნაოსნობის ჰუსიტების თავდასხმებისგან დასაცავად საერთაშორისო კოალიციის შექმნას ივლისიდან მოყოლებული ცდილობს, თუმცა ჯერჯერობით შტატების მხარდაჭერა ვერ მოიპოვა.
BM.GE
წყარო: bm.ge