თეთრი სახლი: სი ძინპინი და დონალდ ტრამპი შეთანხმდნენ, რომ ირანს ბირთვული იარაღი არ უნდა ჰქონდეს

ჩინეთის პრეზიდენტი, სი ძინპინი და აშშ-ის პრეზიდენტი, დონალდ ტრამპი პეკინში გამართული შეხვედრის დროს შეთანხმდნენ, რომ ირანს ბირთვული იარაღი არ უნდა ჰქონდეს. ინფორმაციას თეთრი სახლი ავრცელებს.

გარდა ამისა, სი ძინპინი და ტრამპი შეთანხმდნენ, რომ ჰორმუზის სრუტე თავისუფალი მიმოსვლისთვის ღია უნდა იყოს და მისი მილიტარიზაცია დაუშვებელია.

„მხარეები შეთანხმდნენ, რომ ჰორმუზის სრუტე ენერგომატარებლების თავისუფალი გადაადგილების უზრუნველსაყოფად ღია უნდა დარჩეს. პრეზიდენტმა სიმ მკაფიოდ დააფიქსირა აზრი, რომ სრუტის მილიტარიზაციას და იქ გავლისთვის ტარიფების დაწესების მცდელობებს არ ეთანხმება. ის ამერიკული ნავთობის შეძენით დაინტერესდა, რაც მომავალში ჩინეთის დამოკიდებულებას სრუტეზე შეამცირებს. ორივე მხარე შეთანხმდა, რომ ირანს ბირთვული იარაღი არ უნდა ჰქონდეს“, - აღნიშნულია თეთრი სახლის მიერ გავრცელებულ ინფორმაციაში.