The Guardian: თურქეთის სასამართლომ მიიღო გადაწყვეტილება, რომლითაც მთავარი ოპოზიციური პარტიის ხელმძღვანელი თანამდებობიდან გადააყენა
თურქეთის სასამართლომ მიიღო გადაწყვეტილება, რომლითაც მთავარი ოპოზიციური პარტიის ხელმძღვანელი თანამდებობიდან გადააყენა. ინფორმაციას ამის შესახებ გამოცემა The Guardian-ი ავრცელებს.
ხუთშაბათს, ანკარის სააპელაციო სასამართლოს მიერ გამოცემულმა დადგენილებამ ბათილად ცნო „სახალხო-რესპუბლიკურ პარტიაში“ (CHP) 2023 წელს გამართული შიდაპარტიული არჩევნები და პარტიის ლიდერი, ოზგიურ ოზელი თანამდებობიდან გადააყენა.
51 წლის ოზელი თურქეთის ოპოზიციის სახედ იქცა - სწორედ მას უკავშირებენ „სახალხო-რესპუბლიკური პარტიის“ განახლებას. ამასთან, იგი პარტიის იმ მცირერიცხოვან ლიდერთაგან ერთ-ერთია, ვისაც ჯერ კიდევ არ წარდგენია ბრალდება, რაც მის დაკავებას გამოიწვევდა.
სასამართლოს გადაწყვეტილებით, ოზელის ადგილი მისმა წინამორბედმა, ქემალ ქილიჩდაროღლუმ უნდა დაიკავოს. ამ უკანასკნელმა 2023 წლის გადამწყვეტ საპრეზიდენტო არჩევნებში ერდოღანთან წააგო, მიუხედავად თურქეთის პრეზიდენტის ოცწლიანი მმართველობის წინააღმდეგ არსებული მძლავრი საზოგადოებრივი პროტესტისა.
ოზელის პარტიის ლიდერად არჩევას წინ უსწრებდა 2024 წლის ადგილობრივი თვითმმართველობის არჩევნები, რომელშიც „სახალხო-რესპუბლიკურმა პარტიამ“ მთელი ქვეყნის მასშტაბით, მუნიციპალიტეტებსა და მერიებში, ერდოღანის „სამართლიანობისა და განვითარების პარტია“ დაამარცხა.
იმედი
წყარო: imedinews.ge