The New York Times: აშშ და ისრაელი ირანში ხელისუფლებაში ყოფილი პრეზიდენტის მაჰმუდ აჰმადინეჯადის მოყვანას ცდილობდნენ

აშშ-სა და ისრაელის სამხედრო კამპანიის პირველად მიზანს ირანის ხელისუფლებაში ყოფილი პრეზიდენტის მაჰმუდ აჰმადინეჯადის მოყვანა წარმოადგენდა. ინფორმაციას The New York Times-ი ავრცელებს.

გამოცემის ცნობით, ირანის უზენაესი ლიდერის აიათოლა ალი ხამენეის მკვლელობიდან რამდენიმე დღეში აშშ-ის პრეზიდენტმა დონალდ ტრამპმა საჯაროდ განაცხადა, რომ კარგი იქნებოდა, თუ ირანში ხელისუფლებას ხელში „ვინმეს შიგნიდან“ ჩაიგდებდა.

The New York Times-მა დაადგინა, რომ აშშ-მა და ისრაელმა ირანის წინააღმდეგ კონფლიქტი იმ იმედით დაიწყეს, რომ ისლამური რესპუბლიკის სათავეში მოვიდოდა ყოფილი პრეზიდენტი მაჰმუდ აჰმადინეჯადი, რომელიც ანტიისრაელური და ანტიამერიკული შეხედულებებით არის ცნობილი.

თუმცა გეგმა, რომელიც ებრაელების მიერ იყო შემუშავებული და აჰმადინეჯადთან შეთანხმებული, ჩავარდა. ომის პირველივე დღეს აჰმადინეჯადი დაიჭრა, როცა მის სახლს რაკეტა ესროლეს. ამით ისრაელს შინაპატიმრობიდან მისი გათავისუფლება სურდა, თუმცა ირანის ყოფილი პრეზიდენტი სიკვდილს სასწაულებრივად გადაურჩა და რეჟიმის შეცვლის გეგმა დაიწუნა.

სად იმყოფება ახლა აჰმადინეჯადი, უცნობია.

როგორც გამოცემა იუწყება, აჰმადინეჯადი, რომელიც 2005-2013 წლებში ირანის პრეზიდენტი იყო, ცნობილი იყო თავისი გამონათქვამებით „რუკიდან ისრაელის წაშლის“ შესახებ. ის ირანის ბირთვული პროგრამის მომხრე იყო და შეერთებული შტატების მიმართ მკაცრი კრიტიკით გამოირჩეოდა. რატომ შეარჩიეს აშშ-მა და ისრაელმა აჰმადინეჯადი, გამოცემისთვის უცნობია.