The Wall Street Journal: აშშ-ის ოფიციალური პირების ცნობით, პრეზიდენტმა ტრამპმა ირანზე ახალი იერიშის ბრძანება გასცა, რომლის მიზანიც თეირანის კაპიტულაციაა - თავდასხმა, შესაძლოა, უკვე ამ უქმეებზე დაიწყოს და რამდენიმე დღეს გაგრძელდეს

აშშ-ის ოფიციალური პირების ცნობით, პრეზიდენტმა ტრამპმა ირანზე ახალი იერიშის ბრძანება გასცა, რომლის მიზანიც თეირანის კაპიტულაციაა - თავდასხმა, შესაძლოა, უკვე ამ უქმეებზე დაიწყოს და რამდენიმე დღეს გაგრძელდეს, - წერს ამერიკული გამოცემა The Wall Street Journal-ი.

პარასკევს, უფრო ადრე, მან ჟურნალისტებს განუცხადა, რომ რეჟიმის მოლაპარაკებების მაგიდასთან დასასმელად მასშტაბური სამხედრო დარტყმების განახლებას გეგმავს. მან ივარაუდა, რომ თუ აშშ ირანს საკმარისად ძლიერად დაარტყამს, ხისტი ხაზის მიმდევარი რეჟიმი საბოლოოდ ძალას დაკარგავს.

„ჩვენ მათ ძალიან მძიმე დარტყმებს მივაყენებთ“, - განაცხადა ტრამპმა. - „და იცით, რაღაც მომენტში ისინი იტყვიან: ჩვენ ამას უბრალოდ ვერ გავუძლებთ“.

აშშ-ის ოფიციალური პირების ცნობით, კულისებს მიღმა ტრამპი კვირების განმავლობაში ეუბნებოდა თანაშემწეებს, რომ ირანელები „გიჟები“ არიან. ოფიციალურმა პირებმა ასევე აღნიშნეს, რომ ის სანდო პირებთან ჩიოდა, რომ დროებითი სამშვიდობო შეთანხმება საბოლოოდ უშინაარსო აღმოჩნდა და რომ მან თავიდანვე იცოდა - ეს გეგმა ვერ იმუშავებდა.