თორნიკე ფაღავა ისლანდიის რეფერენდუმზე: ეს ყველაფერი არა ევროკავშირის იდეის, არამედ ევრობიუროკრატიის ბრალია, რომლებიც ძალიან არასწორად, არაგულწრფელად და ორმაგი სტანდარტებით მართავენ დღეს ევროკავშირს

ეს ყველაფერი [რეფერენდუმის შედეგები] არა ევროკავშირის იდეის, არამედ ევრობიუროკრატიის ბრალია, რომლებიც ძალიან არასწორად, არაგულწრფელად და ორმაგი სტანდარტებით მართავენ დღეს ევროკავშირს, - განაცხადა საპარლამენტო უმრავლესობის წევრმა თორნიკე ფაღავამ ისლანდიაში ჩატარებულ რეფერენდუმთან დაკავშირებით.

მისი თქმით, ევრობიუროკრატია ევროკავშირის მომავალს მართავს, არასწორად და მიჰყავს არასწორი გეზით, რაც კიდევ ერთხელ დადასტურდა ისლანდიის მაგალითზე.

„ჩვენთვის, როგორც კანდიდატი ქვეყნისთვის, ევროსკეპტიციზმი ძალიან სამწუხარო მოვლენაა. ვამბობდით, რომ ევრობიუროკრატია ევროკავშირის მომავალს მართავს, არასწორად და მიჰყავს არასწორი გეზით. კიდევ ერთხელ დადასტურდა ეს ისლანდიის მაგალითზე, რაც ჩვენთვის, როგორც კანდიდატი სახელმწიფოსთვის ძალიან სამწუხაროა. ჩვენი გაცხადებული მიზანია, რომ უნდა გავხდეთ ევროკავშირის სრულფასოვანი წევრი ქვეყანა. ეს ყველაფერი [რეფერენდუმის შედეგები] არა ევროკავშირის იდეის, არამედ ევრობიუროკრატიის ბრალია, რომლებიც ძალიან არასწორად, არაგულწრფელად და ორმაგი სტანდარტებით მართავენ დღეს ევროკავშირს“, - აღნიშნა ფაღავამ.

ისლანდიამ ევროკავშირში გაწევრიანებაზე უარი თქვა. ისლანდიაში ევროკავშირში გაწევრიანების შესახებ რეფერენდუმი 29 აგვისტოს ჩატარდა. მოსახლეობის 52,8%-მა ევროკავშირთან გაწევრიანების შესახებ მოლაპარაკებების განახლებას მხარი არ დაუჭირა.