თორნიკე ფაღავა: საზოგადოებას მინდა შევახსენო, რომ ჩვენ გვყავდა ხელისუფლება, რომელიც საგარეო და რეგიონულ პოლიტიკას ინფანტილური დამოკიდებულებით ეკიდებოდა. გვახსოვს, სადამდე მიგვიყვანა ამ ინფანტილურმა დამოკიდებულებამ

საზოგადოებას მინდა შევახსენო, რომ ჩვენ გვყავდა ხელისუფლება, რომელიც საგარეო და რეგიონულ პოლიტიკას ინფანტილური დამოკიდებულებით ეკიდებოდა, - განაცხადა გადაცემაში „დღის ქრონიკა“ საპარლამენტო უმრავლესობის წევრმა თორნიკე ფაღავამ. გი ასე გამოეხმაურა ირანში საქართველოს პრეზიდენტის ირანში ჩასვლასთან დაკავშირებულ სპეკულაციებს.

ფაღავას თქმით, „ქართული ოცნების“ საგარეო პოლიტიკა დაცლილია იმ ილუზორული საგარეო პოლიტიკისგან, რომელსაც „ნაციონალური მოძრაობა“ სახელმწიფოს წლების განმავლობაში სთავაზობდა.

„საზოგადოებას მინდა შევახსენო, რომ ჩვენ გვყავდა ხელისუფლება, რომელიც საგარეო და რეგიონულ პოლიტიკას ინფანტილური დამოკიდებულებით ეკიდებოდა. ბავშვურად აწარმოებდნენ საგარეო პოლიტიკას. გვახსოვს, სადამდე მიგვიყვანა ამ ინფანტილურმა დამოკიდებულებამ. შესაბამისად, ჩვენ ნაცვლად ამისა, ვაწარმოებთ რეალურ საგარეო პოლიტიკას, ვაწარმოებთ რეალურ რეგიონულ პოლიტიკას.

„ქართული ოცნების“ საგარეო პოლიტიკა დაცლილია იმ ილუზორული საგარეო პოლიტიკისგან, რომელსაც „ნაციონალური მოძრაობა“ სთავაზობდა წლების განმავლობაში ჩვენს სახელმწიფოს“, - აღნიშნა თორნიკე ფაღავამ.