თორნიკე ფაღავა: შერჩევით სამართალთან დაკავშირებით ოპოზიციის ნარატივი სრულიად ჩამოიშალა. სახელმწიფომ აჩვენა ის, რომ სამართლის უზენაესობის პრინციპი განუხრელი პრინციპია და ეს მუდამ ასე იქნება

ოპოზიციის ის ნარატივი, შერჩევით სამართალთან დაკავშირებით, სრულიად ჩამოიშალა. სახელმწიფომ აჩვენა ის, რომ სამართლის უზენაესობის პრინციპი განუხრელი პრინციპია და ეს მუდამ ასე იქნება, - განაცხადა საპარლამენტო უმრავლესობის წევრი, თორნიკე ფაღავა 2024 წლის დეკემბერში განვითარებულ მოვლენებთან დაკავშირებით საუბრისას.

მან კომენტარი გააკეთა რადიკალების განცხადებებზე, რომელიც პროკურატურის მიერ ბრალდებულ სამართალდამცველებს ეხებათ.

„ჩვენ ვცხოვრობთ სახელმწიფოში, სადაც არის სამართლის უზენაესობა და ნებისმიერი გადაცდომა, რომელიც თუნდაც, სპეცრაზმელის მხრიდან მოხდება, ვერ დარჩება სახელმწიფოს რეაგირების გარეშე.

ჩვენ ყოველთვის ვამბობდით, რომ საქართველოში სამართლის უზენაესობის პრინციპი არის განუხრელი პრინციპი. პრემიერ-მინისტრი თავის დროზე საუბრობდა, რომ მიმდინარეობს გამოძიება. უბრალოდ, გამოძიების პროცესი იყო გართულებული.

ოპოზიციის ის ნარატივი, შერჩევით სამართალთან დაკავშირებით, სრულიად ჩამოიშალა. სახელმწიფომ აჩვენა, რომ სამართლის უზენაესობის პრინციპი განუხრელი პრინციპია და ეს მუდამ ასე იქნება“, - განაცხადა ფაღავამ.

საქართველოს პროკურატურამ 2024 წელს მიმდინარე აქციების დროს, ზვიად მაისაშვილის, ლევან ხაბეიშვილის და გურამ როგავას მიმართ განხორციელებული ძალადობის ფაქტებზე, დაკავებულ ხუთივე პირს გ.კ.-ს, ზ.ჩ.-ს ა.ბ.-ს, ტ.ბ.-ს და გ.ბ.-ს ბრალდება წარუდგინა.