ტრამპი აცხადებს, რომ მის ძალაუფლებას ზღვარი არ აქვს

აშშ-ის პრეზიდენტმა, დონალდ ტრამპმა, ირანის ომიდან მიღებული გამოცდილების შესახებ დასმულ კითხვაზე პასუხად, განაცხადა, რომ მის ძალაუფლებას „არანაირი შეზღუდვა“ არ გააჩნია.

ინტერვიუს დროს Axios-ის ჟურნალისტმა, მარკ კაპუტომ პრეზიდენტს ჰკითხა, მიხვდა თუ არა ის ახლო აღმოსავლეთში მომხდარი კონფლიქტის შედეგად, რომ მის ძალაუფლებას მაინც აქვს გარკვეული შეზღუდვები.

„ეს გაკვეთილი ჯერ არ მისწავლია“, - უპასუხა მან. „ვიცი, რომ არსებობს [ზღვარი], მაგრამ სინამდვილეში არანაირი ზღვარი არ არის. ჩვენ ისინი სამხედრო თვალსაზრისით სრულად დავამარცხეთ“.

კაპუტომ ტრამპს ასევე ჰკითხა მის თავდაპირველ დაპირებაზე, რომ ომი თეირანის „უპირობო კაპიტულაციით“ დასრულდებოდა და მინიშნება გააკეთა იმ ურთიერთგაგების მემორანდუმზე, რომელსაც პრეზიდენტმა ოთხშაბათს მოაწერა ხელი.

„ისე, ეს ალბათ მართლაც უპირობო კაპიტულაციაა“, - უთხრა ტრამპმა გამოცემას.