ტრამპი იმედოვნებს, რომ მის ყოფილ მრჩეველს ჯონ ბოლტონს სასამართლო მკაცრ განაჩენს გამოუტანს

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ მას იმედი აქვს, რომ სასამართლო მის ყოფილ მრჩეველს ეროვნული უსაფრთხოების საკითხებში ჯონ ბოლტონს მკაცრ განაჩენს გამოუტანს.

„ჯონ ბოლტონმა, აშშ-ის ყოფილმა წარმომადგენელმა, რომელიც ძალიან სულელი, დაუბალანსებელი და არაკომპეტენტური იყო, დანაშაული აღიარა! ის საშინელი ადამიანია, შეშლილი, რომელსაც მხოლოდ პრობლემებისა და ომების დაწყება უნდოდა და რომელიც ყველგან, სადაც მიდიოდა, არასაჭირო სიკვდილისა და განადგურების წამქეზებელი იყო. იმედია, მას მკაცრად მოექცევიან!“, - დაწერა ტრამპმა.

ცნობისთვის, ბოლტონმა გუშინ მერილენდის ფედერალურ სასამართლოში თავი დამნაშავედ ცნო გასაიდუმლოებული ინფორმაციის არასათანადო მოპყრობაში. ბოლტონს თავდაპირველად ოქტომბერში წაუყენეს ბრალი ეროვნული თავდაცვის შესახებ ინფორმაციის გადაცემის რვა ეპიზოდსა და ეროვნული თავდაცვის შესახებ ინფორმაციის შენახვის 10 ეპიზოდში. მაშინ მან თავი დამნაშავედ არ ცნო.