ტრამპი: ირანში არანაირ ფულად ინვესტიციას არ ვდებთ

აშშ-ის პრეზიდენტის დონალდ ტრამპის განცხადებით, ამერიკა ირანში არანაირი ფულადი ინვესტიციის განხორციელებას არ აპირებს.

როგორც თეთრი სახლის ლიდერმა კატარის ემირთან შეიხ თამიმ ბინ ჰამად ალ თანისთან „დიდი შვიდეულის“ სამიტის ფარგლებში გამართული მოლაპარაკებების დროს განაცხადა, გუშინ გავრცელდა ინფორმაცია, თითქოს აშშ ირანში ინვესტიციების ჩადებას აპირებდა, რაც სიმართლეს არ შეესაბამება.

„სხვათა შორის, ირანში არანაირ ფულად ინვესტიციას არ ვდებთ. გუშინ გავრცელდა ჭორი. ეს სიმართლეს არ შეესაბამება. გვაქვს უფლება ოდესმე ჩავერიოთ და რაღაც გავაკეთოთ, თუ ამას მე ან სხვა ვინმე მოისურვებს, მაგრამ არავითარ ფულს არ ვდებთ. ირანში ფულის დაბანდების ვალდებულება არ გაგვაჩნია“, - თქვა ტრამპმა.