ტრამპი ირანზე: მათ კაპიტულაციის თეთრი დროშა უნდა აღმართონ

60-დღიანი ზავის ვადა ორშაბათს იწურება, თუმცა პრეზიდენტ დონალდ ტრამპის მტკიცე პოზიცია ირანის ბირთვული ამბიციების აღკვეთასთან დაკავშირებით უცვლელია. ამის შესახებ მან ორშაბათს დილით Fox News-ს განუცხადა და დაადასტურა, რომ ისლამური რევოლუციის გუშაგთა კორპუსთან (IRGC) სამშვიდობო მოლაპარაკებების პირდაპირი, ფარული არხი მოქმედებს.

„მათ კაპიტულაციის თეთრი დროშა უნდა აღმართონ“, - აღნიშნა ტრამპმა სატელეფონო ინტერვიუში და ირანის პოლიტიკური ხელმძღვანელობისა და შუამავლების გვერდის ავლით IRGC-სთან მიმდინარე კულუარული დიალოგი დაადასტურა.

მიუხედავად იმისა, რომ 60-დღიანი ვადა იწურება, ტრამპის თქმით, მშვიდობის შანსი ჯერ კიდევ არსებობს, თუ ირანი მის მთავარ მოთხოვნას შეასრულებს.

„ჩვენი მთავარი მიზანი იყო და იქნება ის, რომ ირანმა არცერთ შემთხვევაში, არანაირი ფორმით არ ჩაიგდოს ხელში ბირთვული იარაღი“, - დაწერა მან Truth Social-ზე Fox News-ის ჟურნალისტ ტრეი ინგსტთან ექსკლუზიური ინტერვიუს პარალელურად. „ვადებში შეზღუდული არ ვარ, არსად მეჩქარება“, - დასძინა ტრამპმა.