ტრამპი: მე გავაკეთებ იმას, რაც გასაკეთებელია, თუ ირანი შეთანხმებას არ დაიცავს

მე გავაკეთებ იმას, რაც გასაკეთებელია, თუ ირანი შეთანხმებას არ დაიცავს, - განაცხადა აშშ-ის პრეზიდენტმა, დონალდ ტრამპმა.

„თუ ირანი არ შეასრულებს შეთანხმებას ან არასათანადოდ მოიქცევა, მე გავაკეთებ იმას, რაც საჭიროა“, - უთხრა ტრამპმა ჟურნალისტებს.

ტრამპმა და ირანის პრეზიდენტმა მასუდ პეზეშკიანმა გასულ კვირას აშშ-ირანის შუალედურ შეთანხმებას მოაწერეს ხელი.

ორშაბათს ტრამპმა აღნიშნა, რომ გაყინული სახსრები ირანს ექსკლუზიურად შეერთებული შტატებიდან სურსათის შესაძენად უნდა გამოეყენებინა.

ამავდროულად, ირანის საინფორმაციო სააგენტო Tasnim-მა ირანის ცენტრალური ბანკის მმართველ აბდოლნასერ ჰემატიზე დაყრდნობით გაავრცელა ინფორმაცია, რომ მიმდინარე ურთიერთგაგების მემორანდუმის ფარგლებში თეირანი არ არის ვალდებული, სოფლის მეურნეობის პროდუქცია აშშ-ისგან შეისყიდოს.

„მთელი ეს თანხა უკან დაბრუნდება საკვები პროდუქტების შესყიდვის სახით, რომელიც მათ სასოწარკვეთილად სჭირდებათ. მათ 91 მილიონი ადამიანი ჰყავთ და მათი გამოკვება არ შეუძლიათ. ასე რომ, თანხა, რომელსაც ჩვენ ვათავისუფლებთ, ჩვენს ფერმერებს მოხმარდება“, - დაადასტურა ტრამპმა.