ტრამპი პუტინსა და ზელენსკიზე: დაე, მათ მოაგვარონ ეს საკითხები - ვფიქრობ, ეს საკითხი მოგვარდება
აშშ-ის პრეზიდენტმა, დონალდ ტრამპმა უკრაინაში მიმდინარე კონფლიქტსა და შესაძლო სამშვიდობო მოლაპარაკებებზე საუბრისას აღნიშნა, რომ მხარეებს შორის არსებული ვითარება გადაჭრის გზას უახლოვდება.
მედიის წარმომადგენლის კითხვაზე, რომელიც ვოლოდიმირ ზელენსკის მიერ პირისპირ შეხვედრის ინიციატივას და იმას ეხებოდა, უნდა გადადგან თუ არა პირველი ნაბიჯი თავად კონფლიქტის მხარეებმა ამერიკის შეერთებული შტატების ჩართვამდე, ტრამპმა უპასუხა, რომ ის ამის წინააღმდეგი არ არის.
„მე წინააღმდეგი არ ვარ. ვგულისხმობ, დაე, მათ მოაგვარონ ეს საკითხები. მე ვარ ის, ვინც ისინი ამ პოზიციამდე მიიყვანა. და ვფიქრობ, ეს მოგვარდება. ვფიქრობ, ჩვენ ვუახლოვდებით იმ წერტილს, სადაც რუსეთი და უკრაინა...“, - განაცხადა ტრამპმა.
აშშ-ის ლიდერმა კიდევ ერთხელ გაუსვა ხაზი თავის პოზიციას, რომ აღნიშნული კონფლიქტის თავიდან აცილება შესაძლებელი იყო.
„ეს არის ომი, რომელიც არასდროს არ უნდა მომხდარიყო და არც მოხდებოდა, მე რომ პრეზიდენტი ვყოფილიყავი. მაგრამ ვფიქრობ... ვფიქრობ, ეს საკითხი მოგვარდება“, - დასძინა მან.
TWITTER POST
იმედი
წყარო: imedinews.ge