ტრამპი: სავარაუდოდ, საუდის არაბეთის ნავთობსადენზე თავდასხმაზე პასუხისმგებელი ირანია

აშშ-ის პრეზიდენტმა დონალდ ტრამპმა განაცხადა, რომ ირანი, სავარაუდოდ, პასუხისმგებელია საუდის არაბეთზე განხორციელებულ საჰაერო თავდასხმაზე, რის შედეგადაც აღმოსავლეთ-დასავლეთის ნავთობსადენი გაითიშა. ინფორმაციას Reuters-ი ავრცელებს.

სააგენტოს ცნობით, აღნიშნული ნავთობსადენი საუდის არაბეთისთვის ნავთობის ექსპორტის ერთ-ერთი მთავარი მარშრუტია, რომელიც ჰორმუზის სრუტის გვერდის ავლით ნავთობის გადაზიდვის შესაძლებლობას იძლევა.

„ვფიქრობ, ისინი არიან. ალბათ, ისინი არიან“, - უთხრა ტრამპმა დუბლინში ჟურნალისტებს, როდესაც მათ ჰკითხეს, იყო თუ არა ირანი მნიშვნელოვანი ნავთობსადენის წინააღმდეგ განხორციელებულ თავდასხმაზე პასუხისმგებელი.

აშშ-ის პრეზიდენტმა ასევე განაცხადა, რომ საუდის არაბეთის მემკვიდრე პრინც მოჰამედ ბინ სალმანს ესაუბრა და მას „კარგი მეგობარი“ უწოდა.

ტრამპის თქმით, ირანთან დაახლოებულმა იემენელმა „ჰუსიტებმა“ მის ადმინისტრაციას დაუკავშირდნენ და მიანიშნეს, რომ არ სურთ, შეერთებული შტატები კონფლიქტში პირდაპირ ჩაერთოს.

„მათ ბევრად ურჩევნიათ, რომ ჩვენ არ ჩავერთოთ და ისინი გემების უმეტესობას ატარებენ. არის მხოლოდ ერთი ქვეყანა, რომელთანაც ისინი დიდად კმაყოფილი არ არიან და ამასაც მოვაგვარებთ“, - დასძინა ტრამპმა.