ტრამპი: თუ უახლოეს 60 დღეში ირანთან საბოლოო შეთანხმება ვერ მიიღწევა, ვაშინგტონი სამხედრო მოქმედებებს დაუბრუნდება
იმედი|imedinews.ge
აშშ-ის პრეზიდენტმა, დონალდ ტრამპმა განაცხადა, რომ თუ უახლოეს 60 დღეში ირანთან საბოლოო შეთანხმება ვერ მიიღწევა, ვაშინგტონი სამხედრო მოქმედებებს დაუბრუნდება.
პრეზიდენტის განცხადებით, მედიის წარმომადგენლებს უახლოეს ხანში დაურიგდებათ აშშ-ირანის ურთიერთგაგების მემორანდუმის ასლები. აღნიშნულ დოკუმენტს ხელი მიმდინარე კვირის პარასკევს, შვეიცარიაში მოეწერება.
„თუ ეს ყველაფერი 60 დღეში არ დასრულდება - ჩვენ კვლავ დავუბრუნდებით დაბომბვას. მე ეს არ მსურს, რადგან [მემორანდუმი] ძალიან კარგია, თუმცა შესაძლოა მოგვიწიოს, რადგან ჩვენ მათ ბირთვული იარაღის ფლობის უფლებას არასოდეს მივცემთ. თუმცა, ისინი ამაზე უკვე დაგვთანხმდნენ და ამას თავადვე ძალიან ნათლად იხილავთ შეთანხმებაში“, - აღნიშნა დონალდ ტრამპმა.
გაზიარება:
IM
იმედი
წყარო: imedinews.ge