ტრამპის ადმინისტრაციამ გააუქმა ირანული ნავთობის გაყიდვაზე დაწესებული გამონაკლისი

ორშაბათს, ტრამპის ადმინისტრაციამ გააუქმა ირანული ნავთობის გაყიდვაზე დაწესებული გამონაკლისი მას შემდეგ, რაც ბოლო 24 საათის განმავლობაში თეირანმა ჰორმუზის სრუტის მახლობლად სამ გემს რაკეტები ესროლა. ადმინისტრაციამ ეს აგრესია „სრულიად მიუღებლად“ შეაფასა.

„უცხოური აქტივების კონტროლის ოფისი აუქმებს GL X-ს (გენერალურ ლიცენზიას X), რომელიც ირანული ნავთობის გაყიდვის უფლებას იძლეოდა“, - განაცხადა აშშ-ის ოფიციალურმა წარმომადგენელმა.

„როგორც პრეზიდენტმა ტრამპმა და მისმა ადმინისტრაციამ არაერთხელ დაადასტურეს, ირანთან მოქმედი ურთიერთგაგების მემორანდუმი მთლიანად შესრულებაზეა დაფუძნებული“, - აღნიშნა მან.

„ირანი მხოლოდ იმ შემთხვევაში მიიღებს სარგებელს, თუ კეთილსინდისიერ ქცევას გამოავლენს“, - განაცხადა აშშ-ის ოფიციალურმა წარმომადგენელმა. „სრუტის მიმდებარედ ირანის ქმედებები შეერთებული შტატებისთვის სრულიად მიუღებელია და ამას შესაბამისი შედეგები მოჰყვება“.