ტრამპის განცხადებით, აშშ ჰორმუზის სრუტეში ჩარჩენილი გემების გამოყვანას ირანის მონაწილეობით დაიწყებს. თეირანში ამას უარყოფენ

აშშ-ის პრეზიდენტმა დონალდ ტრამპმა დააანონსა ოპერაცია Project Freedom, რომლის მიზანიც ჰორმუზის სრუტეში ჩარჩენილი ნეიტრალური ქვეყნების გემების გაცილებაა, როგორც „ჰუმანიტარული ჟესტის“. მისი თქმით, ოპერაცია ორშაბათს დაიწყება. გადაწყვეტილება მიიღეს მესამე ქვეყნების მიმართვის საფუძველზე, რომლებიც „თავიანთი გემების გათავისუფლებას ითხოვდნენ“.

ტრამპმა აღნიშნა, რომ ამ გემებზე საკვების მარაგი იწურება და ჰუმანიტარული პირობები უარესდება. ამასთან, გამოყვანილი გემები სრუტეში არ დაბრუნდებიან მანამ, სანამ რაიონი ნაოსნობისთვის უსაფრთხო არ გახდება. თუ ოპერაციას წინააღმდეგობას გაუწევენ, „მოგვიწევს საკითხის ძალისმიერი გზით მოგვარება“, - განაცხადა ტრამპმა.

მედიის მონაცემებით, ოპერაცია არ ითვალისწინებს ბლოკირებული გემების უშუალო გაცილებას აშშ-ის სამხედრო ხომალდების მიერ. თუმცა, ისინი სიახლოვეს იქნებიან თავდასხმის შემთხვევისთვის.

თეირანმა საპასუხოდ, აშშ სრუტის სიტუაციაში ჩარევის დაუშვებლობის შესახებ გააფრთხილა. „აშშ-ის ნებისმიერი ჩარევა ჰორმუზის სრუტეში საზღვაო ნაოსნობის ახალ წესებში განიხილება, როგორც ცეცხლის შეწყვეტის რეჟიმის დარღვევა“, - განაცხადა ორშაბათს ირანის პარლამენტის ეროვნული უსაფრთხოების კომიტეტის თავმჯდომარემ იბრაჰიმ ასისიმ.