ტრამპის განცხადებით, ჰორმუზის სრუტე, შესაძლოა, ორ-სამ დღეში გაიხსნას

აშშ-ის პრეზიდენტმა დონალდ ტრამპმა განაცხადა, რომ ჰორმუზის სრუტე, შესაძლოა, ორ-სამ დღეში გაიხსნას. ინფორმაციას Sky News-ი ავრცელებს.

როგორც ტრამპმა ჟურნალისტებს განუცხადა, ირანთან სამშვიდობო მოლაპარაკებები დასასრულს უახლოვდება, რომლის შემდეგ ძალიან კარგი გარიგების დადების შესაძლებლობა გაჩნდება და აშშ არავითარ შემთხვევაში არ დაუშვებს, რომ ირანს ბირთვული იარაღი ჰქონდეს.

„ჰორმუზის სრუტე დაუყოვნებლივ გაიხსნება. ის შეთანხმების ხელმოწერის შემდეგ გაიხსნება. ეს, შესაძლოა, ორ-სამ დღეში მოხდეს“, - განაცხადა ტრამპმა.