ტრამპის სპეციალური წარმომადგენელი ჯეფ ლენდრი გრენლანდიაში ჩავიდა

აშშ-ის პრეზიდენტის სპეციალური წარმომადგენელი ჯეფ ლენდრი, რომელიც დონალდ ტრამპმა შარშან გრენლანდიაზე ამერიკული კონტროლის დასამყარებლად დანიშნა, კვირას ნუუკში ჩავიდა.

ლენდრი, ლუიზიანას გუბერნატორი, მანამდეც უჭერდა მხარს ტრამპის მიზანს, რომ არქტიკის ეს ტერიტორია ამერიკის შეერთებული შტატების ნაწილი გამხდარიყო. ამ ამბიციას მტკიცედ ეწინააღმდეგებიან როგორც გრენლანდიის, ისე დანიის მთავრობები, რომლებმაც არაერთხელ განაცხადეს, რომ გრენლანდია არ იყიდება.

საზოგადოებრივი მაუწყებელი DR-ის მიერ გამოქვეყნებულ კადრებში, რომლებიც ნუუკშია გადაღებული, ჩანს, როგორ გადმოდის ლენდრი თვითმფრინავიდან.

დაგეგმილია, რომ ის 19-20 მაისს დაესწრება ბიზნესკონფერენციას Future Greenland. კონფერენციის ორგანიზატორები - Business Greenland-ი განმარტავენ, რომ ლენდრი არ მოუწვევია, თუმცა განაცხადეს, რომ ღონისძიებაზე დარეგისტრირება ნებისმიერ მსურველს შეეძლო.