ტრამპმა აღიარა, რომ ნეთანიაჰუს ერთ-ერთი სატელეფონო საუბრის დროს გიჟი უწოდა
აშშ-ის პრეზიდენტმა დონალდ ტრამპმა აღიარა, რომ რამდენიმე დღის წინ გამართული სატელეფონო საუბრის დროს ისრაელის პრემიერ-მინისტრს ბენიამინ ნეთანიაჰუს გიჟი უწოდა.
როგორც ტრამპმა ერთ-ერთ პოდკასტში აღნიშნა, ის უკმაყოფილო იყო იმით, რომ ნეთანიაჰუ ლიბანის დაბომბვას განაგრძობდა, რაც ირანთან მოლაპარაკებებს საფრთხეს უქმნიდა.
„დიახ, მე ეს განვაცხადე. მე ყოველთვის ვბრაზდები. ცოტათი მაღიზიანებდა ის, რომ ის [ნეთანიაჰუ] მუდამ ეჩხუბება ლიბანს. რაღაც მომენტში მე მას ვუთხარი, რომ უნდა გავჩერდეთ“, - განაცხადა ტრამპმა.
ცნობისთვის, გამოცემა AXIOS-მა ინფორმირებულ წყაროზე დაყრდნობით დაწერა, რომ ტრამპმა ნეთანიაჰუ ლიბანში ესკალაციის გამო მწვავედ გააკრიტიკა. წყაროს თქმით, ტრამპმა ნეთანიაჰუს უთხრა: „შენ საერთოდ გაგიჟდი. ჩემ გარეშე ახლა ციხეში იჯდებოდი. ახლა ყველას სძულხარ და ამის გამო ყველას სძულს ისრაელიც“. მეორე წყაროს ცნობით, ტრამპი იმდენად განრისხებული იყო, რომ ნეთანიაჰუს პირდაპირ უყვირა: „რას ჯანდაბას აკეთებ?“
იმედი
წყარო: imedinews.ge