ტრამპმა განაცხადა, რომ აშშ ჰორმუზის სრუტის „მფარველი ანგელოზი“ გახდება და გემების გატარებისთვის საფასურს დააწესებს
იმედი|imedinews.ge
შეერთებული შტატები, სავარაუდოდ, ჰორმუზის სრუტეს საკუთარ კონტროლქვეშ აიყვანს და მასში გემების უსაფრთხო გატარებისთვის ანაზღაურების მიღებას გეგმავს, - განაცხადა დონალდ ტრამპმა.
ტელეკომპანია Fox News-თან სატელეფონო ინტერვიუში ტრამპმა აღნიშნა, რომ აშშ აპირებს გახდეს სრუტის „მფარველი ანგელოზი“ და ამ ძალისხმევისთვის კომპენსაცია უნდა მიიღოს.
„ჩვენ გადაგვიხდიან მის დაცვაში - ძალიან დიდ ფულს. ჩვენ აგვინაზღაურებენ ხარჯებს, რადგან სხვა ქვეყნები ძალიან მდიდრები არიან. ისინი ჩვენს მხარეს არიან და ჩვენგან არავინ ელის, რომ ამას უბრალოდ ისე, უფასოდ გავაკეთებთ“, - განაცხადა ტრამპმა.
გაზიარება:
იმედი
წყარო: imedinews.ge