ტრამპმა განაცხადა, რომ აშშ მიწისძვრით დაზარალებულ ვენესუელას დაეხმარება

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ამერიკა მიწისძვრით დაზარალებულ ვენესუელას დაეხმარება.

„ორი ძლიერი მიწისძვრა მოხდა ვენესუელაში და ვენესუელის დიადი ხალხი დააზარალა. ორივე მიწისძვრა იყო ძლიერი, დამანგრეველი და დიდი მსხვერპლი გამოიწვია. აშშ მზადაა, სურს და შეუძლია დახმარება! ყველა სახელმწიფო დაწესებულებას დავავალე, მოემზადონ სწრაფი რეაგირებისთვის. ჩვენ გვერდში ვუდგავართ ჩვენს ახალ და შესანიშნავ მეგობრებს. პირველი ცნობები არცთუ ისეთი კარგია“, - დაწერა ტრამპმა.

ცნობისთვის, ვენესუელაში, კარაკასთან ახლოს ძლიერი მიწისძვრა მოხდა. მიწისქვეშა ბიძგებმა მასშტაბური ნგრევა გამოიწვია. ბოლო მონაცემებით, დაღუპულია 32 ადამიანი, თუმცა აშშ-ის გეოლოგიური სამსახური არ გამორიცხავს, რომ დაღუპულთა რიცხვმა 10 000 გადააჭარბოს.