წყალდიდობამ ლიმაში პრობლემები შექმნა

ძლიერმა წვიმამ პერუს დედაქალაქში წყალდიდობა გამოიწვია. ადიდებულმა წყალმა ლიმას რამდენიმე რაიონში საკანალიზაციო და წყალსადენი სისტემა მწყობრიდან გამოიყვანა. დაიტბორა სახლები და ქუჩები, სკოლებში კი სასწავლო პროცესი შეწყდა.

დედაქალაქის სამხრეთით რეგიონებში კი წვიმის გამო მდინარეები ადიდდა, უსაფრთხოების მიზნით დაიკეტა საავტომობილო გზები.