წყალდიდობას ბანგლადეშში ათობით ადამიანი ემსხვერპლა
ბანგლადეშში გადაუღებელი წვიმით გამოწვეულმა წყალდიდობამ სულ მცირე 51 ადამიანი იმსხვერპლა, მილიონზე მეტი კი დააზარალა. ქვეყნის დიდ ნაწილში, მათ შორის დედაქალაქ დაკაში, სტიქიამ ათასობით ადამიანი უსახლკაროდ დატოვა.
ამ დროისთვის დაღუპულთა ნახევარზე მეტი კოქს-ბაზარის რაიონში ფიქსირდება, სადაც როჰინჯა ლტოლვილების დიდი დასახლება მდებარეობს. გასულ კვირას ამავე რაიონში რამდენიმე მოსწავლე და მასწავლებელი დაიღუპა, როდესაც ნიაღვარმა მათი სკოლა წალეკა.
ძლიერი წვიმა ბანგლადეშში ერთ კვირაზე მეტი ხნის წინ დაიწყო და ბოლო დღეებში მისი გაძლიერების გამო, ხელისუფლებამ გამოსცა გაფრთხილებები წყალდიდობებისა და მეწყრების შესახებ. მაღალი რისკის ზონებიდან მოსახლეობა ევაკუირებულია, სტუდენტების გამოცდები კი გადადებულია. ათასობით ადამიანი სამთავრობო თავშესაფრებში ცხოვრობს.
იმედი
წყარო: imedinews.ge