წყალდიდობას ჩინეთში მსხვერპლი მოჰყვა

ჩინეთის ჩრდილო დასავლეთ ნაწილში ძლიერმა წვიმამ წყალდიდობა და ღვარცოფი გამოიწვია. დაიღუპა 10 და დაშავდა 23 ადამიანი.

სტიქიამ განსუს პროვინციაში ტურისტული რაიონი დააზიანა. ათობით ტურისტი რომლებიც სტიქიის გამო უსაფრთხო ადგილას გასვლას ვერ ახერხებდნენ საგანგებო სამსახურებმა რამდენიმე საათიანი სამაშველო ოპერაციის შედეგად გადაარჩინეს.