უკრაინამ დრონებით რუსეთის ქალაქი ჩებოქსარი დაბომბა. დაშავებულია სამი ადამიანი

უკრაინის შეიარაღებულმა ძალებმა რუსეთის ქალაქი ჩებოქსარი უპილოტო საფრენი აპარატებით დაბომბა, რის შედეგადაც სამი ადამიანი დაშავდა. ინფორმაციას რუსული მედია ავრცელებს.

მედიის თანახმად, ერთ-ერთი დაშავებული საავადმყოფოშია გადაყვანილი.

„ოპერატიული ინფორმაციის თანახმად, 05.05.2026 წელს უპილოტო საფრენი აპარატებით განხორციელებული შეტევის შედეგად დაშავდა სამი ადამიანი. ერთი მცხოვრები საშუალო სიმძიმის მდგომარეობით საავადმყოფოშია გადაყვანილი, სადაც აუცილებელი სამედიცინო დახმარება უტარდება. მის სიცოცხლეს საფრთხე არ ემუქრება“, - აღნიშნულია ჩუვაშეთის ჯანდაცვის სამინისტროს მიერ გავრცელებულ ინფორმაციაში.