უკრაინამ რუსეთში ნავთობგადამამუშავებელი ქარხანა და „ისკანდერის“ რაკეტების მწარმოებელი საწარმო დაბომბა
იმედი|imedinews.ge
უკრაინის შეიარაღებულმა ძალებმა დრონების გამოყენებით რუსეთის ქალაქ სამარაში მდებარე კუიბიშევის ნავთობგადამამუშავებელი ქარხანა დაბომბა. ინფორმაციას უკრაინული მედია ავრცელებს.
მედიის ცნობით, აღნიშნული ქარხანა უკრაინის საზღვრიდან 800 კილომეტრში მდებარეობს.
სამარის ოლქის გუბერნატორის ვიაჩესლავ ფედორიშჩევის განცხადებით, გვიან ღამით რეგიონში სარაკეტო განგაშის სიგნალიც ამოქმედდა.
გარდა ამისა, უკრაინელმა სამხედროებმა ქალაქ ჩებოქსარიში დაბომბეს საწარმო, რომელიც „ორიონის“ ტიპის დრონებსა და „ისკანდერის“ ტიპის ოპერატიულ-ტაქტიკურ სარაკეტო კომპლექსებს აწარმოებს.
აღნიშნული საწარმო უკრაინის, აშშ-ისა და ევროკავშირის მიერ არის დასანქციერებული. ის უკრაინის საზღვრიდან დაახლოებით 1 000 კილომეტრში მდებარეობს, წერს მედია.
გაზიარება:
იმედი
წყარო: imedinews.ge