უკრაინაში 10 მილიონ დოლარზე მეტი ოდენობის კორუფციულ სქემასთან დაკავშირებით ყოფილ ვიცე-პრემიერსა და კიდევ ხუთ ადამიანს ბრალი წაუყენეს

უკრაინის ეროვნული ანტიკორუფციული ბიუროს ინფორმაციით, 460 მილიონი უკრაინული გრივნის ოდენობის (10 მილიონ დოლარზე მეტი) კორუფციულ საქმესთან დაკავშირებით, ექვს პირს, მათ შორის ყოფილ ვიცე-პრემიერს ბრალი წაუყენეს.

სამართალდამცავი ორგანოს მიერ გავრცელებული ინფორმაციით, საუბარია უკანონო შემოსავლების ლეგალიზაციაზე.

გამოძიების თანახმად, 2021-2025 წლებში ბრალდებულებმა კიევის ოლქში მდებარე სოფელ კოზინში კოტეჯების ქალაქის მშენებლობისას 460 მილიონი გრივნის ოდენობის თანხა „გაათეთრეს“.

კერძოდ, საქმე ეხება 8 ჰექტარი ფართობის მქონე ტერიტორიაზე კერძო რეზიდენციების, დამხმარე ნაგებობების მშენებლობას. უკრაინის რომელ ყოფილ ვიცე-პრემიერზეა საუბარი, უცნობია.

ცნობისთვის, გუშინ პრეზიდენტ ვოლოდიმირ ზელენსკის ოფისის ყოფილ ხელმძღვანელს, ანდრეი ერმაკს მასშტაბური კორუფციული გამოძიების ფარგლებში ბრალი წარედგინა. ერმაკის მიმართ გამოძიება მიმდინარეობდა 100 მილიონი დოლარის ღირებულების კორუფციულ სქემასთან დაკავშირებით, რომელიც სახელმწიფო ბირთვულ მონოპოლისტ „ენერგოატომს“ უკავშირდება.