უკრაინის ეროვნული ანტიკორუფციული ბიუროს ხელმძღვანელმა განაცხადა, რომ ზელენსკი არ ფიგურირებს ფულის გათეთრების მასშტაბურ გამოძიებაში
უკრაინის ეროვნული ანტიკორუფციული ბიუროს ხელმძღვანელმა, სემიონ კრივონოსმა განაცხადა, რომ პრეზიდენტი ვოლოდიმირ ზელენსკი არ ფიგურირებს ფულის გათეთრების მასშტაბურ გამოძიებაში, რომელიც კიევის მახლობლად მდებარე მდიდრული საცხოვრებელი კომპლექსის მშენებლობას უკავშირდება.
„უკრაინის პრეზიდენტი არ ფიგურირებდა და არც ახლა ფიგურირებს ამ წინასწარი გამოძიების ფარგლებში. სხვა საგამოძიებო ვერსიები, რომლებიც გარკვეული აქტივების მფლობელობას ეხება, მოწმდება წინასწარი გამოძიების ფარგლებში. პროცესი გრძელდება“, - განაცხადა კრივონოსმა.
უკრაინის კანონმდებლობით, მოქმედი პრეზიდენტი სისხლისსამართლებრივი დევნისგან იმუნიტეტით სარგებლობს.
სპეციალიზებული ანტიკორუფციული პროკურატურის განცხადებით, ზელენსკის ადმინისტრაციის ყოფილ ხელმძღვანელს, ანდრიი ერმაკს ბრალი წაეყენა ფულის გათეთრებაში, რაც კიევის შემოგარენში მდიდრული საცხოვრებელი კომპლექსის მშენებლობასთანაა დაკავშირებული.
ბრალი კიდევ ექვს ეჭვმიტანილს წარედგინა. სამართალდამცავ ორგანოებში არსებულმა წყარომ Kyiv Independent-ს განუცხადა, რომ მათ შორის არის ზელენსკის ახლო გარემოცვის წევრი, ტიმურ მინდიჩი.
იმედი
წყარო: imedinews.ge